Home to 28 users
Who published 17 posts

Server rules

Below is a summary of rules you need to follow if you want to have an account on this server of Mastodon:

  1. ჩვენი სურვილია მინადორასერვერი იყოს უსაფრთხო, ფემინისტური სივრცე. აქ არ ვიყენებთ სიძულვილის ენას, ტროლინგს და არ ვაყენებთ ერთმანეთს შეურაცხყოფას ინტენსიური კონფლიქტის დროსაც კი. პატივი ვცეთ ერთმანეთს. წევრი, რომელიც დაარღვევს ამ წესს, ჯერ მიიღებს გაფრთხილებას, შემდეგ კი დაიბლოკება ჩვენს სერვერზე.
  2. ნუ გაავრცელებთ ჰომოფობიური, სექსისტური, რასისტული და აბლისტური შინაარსის მქონე მესიჯებს, თუნდაც ხუმრობით ან ირონიულად. წევრი რომელიც დაარღვევს ამ წესს, დაიბლოკება ჩვენს სერვერზე.
  3. გამოიყენეთ გამაფრთხილებელი მესიჯი. გახსოვდეთ რომ საუბარი სექსუალურ ძალადობაზე, თვითდაზიანებაზე, ნივთიერებაზე დამოკიდებულებასა და ფიზიკურ ძალადობაზე, შეიძლება ნეგატიურად აისახოს სხვის მენტალურ და ფიზიკურ ჯანმრთელობაზე.
  4. ფრთხილად იყავით პირადი ინფორმაციის გაზიარებისას. მიუხედავად იმისა, რომ ჩვენი ერთობით უსაფრთხო სივრცეს ვქმნით, გახსოვდეთ რომ ეს მაინც ინტერნეტის ნაწილია და ტექნიკურად ბოლომდე უსაფრთხო ვერ იქნება, პირადი ინფორმაციის დაცვის კუთხით.
  5. მინადორასერვერზე შევიწროების ადგილი არ არის. ნებისმიერი არასასურველი სექსუალური ყურადღება არის შევიწროება. წევრი, რომელიც დაარღვევს ამ წესს, გაფრთხილების გარეშე სამუდამოდ დაიბლოკება.
  6. დასვით კითხვები, ჩაერთეთ დისკუსიებში და გაეცით უკუკავშირი, მაგრამ ნუ იჭორავებთ და ნუ გააკეთებთ ტოქსიკურ კომენტარებს სხვა ადამიანებზე/კოლექტივებზე. წევრი, რომელიც დაარღვევს ამ წესს, ჯერ მიიღებს გაფრთხილებას, შემდეგ კი დაიბლოკება ჩვენი სერვერიდან.
  7. ჩვენ მოგიწოდებთ გააზიაროთ ინფორმაცია თქვენს პროექტებზე, ნაშრომებზე და გამოფენებზე. შენ ასევე შეგიძლია არაგამაღიზიანებელად, შეახსენო მინადორას წევრებს, თუ როგორ შეუძლიათ შეიძინონ შენი ნამუშევრები ან გამოხატონ მხარდაჭერა. თუმცა, მასობრივი რეკლამა და კომერციული მასალების გავრცელება აკრძალულია.

სანამ შემოგვიერთდები, გაეცანი ჩვენი მასტოდონის ინსტანციას და მასში გაწევრიანების წესებს.

რა არის მინადორასერვერი?

ამ ინსტანციას -- კომუნა -- უვლის მინადორასერვერი, ოთხი ქალისგან შემდგარი კოლექტივი. აქ არაჰომოგენური და ფემინისტური პერსპექტივა ანაცვლებს პატრიარქალური ფიქრის მოდელს. ჩვენ ვართ იზნ, თეკლა, მაკო და ნონა, და ჩვენი სურვილია საქართველოში ემანსიპატორული სახელოვნებო ხელსაწყოებისა და პლატფორმების გააქტიურება, და ამ პროცესში კრიტიკული კავშირების დამყარება.

ვისთვის არის კომუნა?

მინადორასერვერის მასტოდონის ინსტანციაზე გაწევრიანება შეუძლია ყველას, ვისაც აინტერესებს:

  • ფემინისტური პრაქტიკები
  • პოლიტიკა, კაპიტალისტური და პატრიარქალური რეჟიმის კრიტიკა
  • ციფრული კულტურა, პოსტ-ციფრული სივრცე
  • ნეტ არტი, პროგრამული და ინფრასტრუქტურის არტი, ახალი მედია ხელოვნება და მასთან დაკავშირებული ნებისმიერი სხვა თვითგამოხატვის ფორმები
  • გრაფიკული და ვიზუალური დიზაინი
  • კოდირება, ალგორითმული და კოდირების ხელოვნება და მათი როგორც სახელოვნებო მედიუმის გამოყენება
  • ღია წყაროს პროგრამები
  • განათლების/ცოდნის ხელმისაწვდომობა, თანასწორობა
  • შემოქმედებითი კვლევა

მასტოდონზე რეგისტრაცია

  • გაეცანი მინადორასერვერის მასტოდონის ინსტანციის ქცევის კოდექსს
  • სარეგისტრაციო გვერდზე შეიყვანე შენი ელ. ფოსტა, პაროლი და მოკლე "მოტივაცია" თუ რატომ გსურს შემოგვიერთდე
  • ჩვენ მივიღებთ და განვიხილავთ შენი რეგისტრაციის განაცხადს
  • ელ. ფოსტაზე მოგივა დასტური რეგისტრაციაზე

როგორ გამოვიყენო მასტოდონი ჩემს სმარტფონზე?

ვინაიდან მასტოდონი ღია წყაროს პროგრამაა, არსებობს სხვადასხვა აპლიკაციები სმარტფონზე მისი გამოყენებისათვის:

  • ეწვიე საიტს
  • გადმოტვირთე აპი (გატესტე რომელი უკეთ იმუშავებს)
  • შეიყვანე მინადორასერვერის ინსტანსის დომეინი > komuna.minadoraserver.art
  • დარეგისტრირდი [იხ. ინსტრუქცია ზემოთ] ან შეიყვანე შენი მეილი და პაროლი, რომლითაც უკვე დარეგისტრირდი ინსტანციაზე

მასტოდონის გამოყენების რჩევები

-- მასტოდონის ინტერფეისში სამი სხვადასხვა თაიმლაინია: სახლი [home], ადგილობრივი [local] და ფედერაციული [federated]. შესაძლებელია ამ თაიმლაინების ნახვა ერთ სვეტში, კონკრეტულის არჩევით/მონაცვლეობით ან რამდენიმე თაიმლაინის ერთდროულად გადანაწილება მთელს ეკრანზე რამდენიმე სვეტად. მეორე მეთოდის ასარჩევად გადადი >> preferences >> appearance, მონიშნე enable advanced web interface და შეინახე >> save changes

  • სახლი [home] -- თუთები მათთგან ვისთანაც დაკავშირებული ხარ [აფოლოუებ]
  • ადგილობრივი [local] -- თუთები მხოლოდ ჩვენი ინსტანციის წევრებისგან
  • ფედერაციული [federated] -- საჯარო თუთები მათგან, ვისაც ჩვენი ინსტანციის წევრები უკავშირდებიან

-- გთხოვ მოერიდო სპამ ექაუნთებთან დაკავშირებას [გაფოლოუებას], რათა არ გადატვირთო საერთო ფედერაციული თაიმლაინი.

-- ჩვენი მასტოდონი საერთო სივრცეა, როდესაც მას შემოუერთდები, არ დაგავიწყდეს გაგვაცნო შენი თავი და თან დაურთო #introduction. ამ ჰეშთეგით შეგიძლია სხვა კომუნის წევრების გაცნობის ტექსტებიც ნახო.

-- ჩვენი თხოვნაა რომ ყველა თუთი [ასე ჰქვია პოსტებს მასტოდონზე], რომელსაც ლოკალურ თაიმლაინზე გამოაქვეყნებთ ქართულად იყოს. ხოლო, ფედერაციულზე შეგიძლია სხვა ენებზეც, რადგან ქართული კოლექტივების სერიოზული ნაკლებობაა მასტოდონზე.

-- მასტოდონზე არსებული ყველა ინფრომაცია, ჩვენს სერვეზე ინახება. რადგან სერვერის სივცრე უსასრულო არ არის, მის მოსაფრთხილებლად კონკრეტული მეთოდები გვაქვს. მაგალითად, კოლექტიური ხმის მიცემით, გადავწყვიტეთ 3 თვეზე ძველი თუთების [დაპინული პოსტების გარდა] წაშლა. ამის გასააქტიურებლად, გადადი preferences >> automated post deletion, მონიშნე automatically delete old posts და keep pinned posts, და age threshold მენიუდან აირჩიე 3 თვე [3 months]; ბოლოს, არჩევანის შესანახად Save changes.

-- ჩვენს ინსტანციაზე ყველა თუთი ავტომატურად ადგილობრივ თაიმლანზე იპოსტება [local-only], რაც გულისხმობს იმას, რომ მას მხოლოდ ჩვენი ინსტანციის/კოლექტივის წევრები ხედავენ. თუ გინდა რომ შენი თუთი გასცდეს ჩვენს ინსტანციას, შეგიძლია გამოქვეყნებისას აირჩიო ფედერაციული ოფცია [federated], რაც გულისხმობს იმას, რომ შენი თუთი გამოქვეყნდება ჩვენს ინსტანციასთან ფედერაციულად დაკავშირებულ სხვა ინსტანციებშიც [ფედერაციულ თაიმლაინზე].

-- მასტოდონზე ასევე შეგიძლია პირადი შეტყობინების გაგზვანაც Direct Message-ით. გაითვალისწინე, რომ სერვერის ადმინს წვდომა ექნება შენს პირად შეტყობინებაზეც.

-- გახსოვდეს, თუ სენსიტიურ თემაზე საუბრობ, როგორიც არის მაგალითად: სექსუალური ძალადობა, თვითდაზიანება, ნივთიერებაზე დამოკიდებულება და ფიზიკურ ძალადობა, გამოქვეყნებისას აუცილებლად გამოიყენე გამაფრთხილებელი მესიჯი [CW - Content Warning].

-- ფოტოს გამოქვეყნებისას, გთხოვ დაამატო ფოტოს აღწერის ტექსტი მათთვის ვინც შესაძლოა ეკრანის მკითხველს იყენებს ფოტოების აღსაქმელად: ატვირთე ფოტო, აირჩიე edit და დაამატე აღწერილობა "describe for the visually impaired" გრაფაში.